REG W BBC yongeye gutsinda APR W BBC mu mukino wa gatatu wa Cheetah Energy RBL Playoffs 2026, aho yayitsinze amanota 84-73.
Ni umukino REG W BBC yagaragayemo imbaraga, cyane cyane mu gihe amakipe yombi akomeje guhatanira kugera ku ntsinzi ikomeye muri uru rugendo rwa kamarampaka.
Muri uyu mukino, REG W BBC yahaye umwanya bamwe mu bakinnyi batari bakunze kugaragara mu mikino iheruka, barimo Kantore, na we wabonye umwanya wo kugaruka mu kibuga no gufasha ikipe ye.
Iyi ntsinzi itumye REG W BBC ikomeza kugira akarusho imbere ya APR W BBC, nyuma y’imikino itatu imaze guhuza aya makipe.
Kepler W BBC na The Hoops W BBC na bo barasubira mu kibuga
Nyuma y’uyu mukino, harakurikiraho undi mukino wa gatatu uhuza Kepler W BBC na The Hoops W BBC.
Aya makipe yombi anganya umukino umwe kuri umwe, bivuze ko umukino uteganyijwe saa 16:30 ari wo ushobora guha imwe muri zo akarusho mu mikino ya kamarampaka.
Abakunzi ba Basketball barategereje kureba ikipe iza kwegukana uyu mukino wa gatatu, mu gihe urugamba rwo gushaka itike yo gukomeza muri Cheetah Energy RBL Playoffs 2026 rukomeje gukaza umurego.
@Rebero.rw
About The Author
