Umuhuzabikorwa wa Isange One Stop Centre, Bateta Jeanne, yakiriye intumwa z’imiryango ifatanyije n’Umuryango w’Abanyarwandakazi baharanira iterambere (Rwanda Women’s Network), zasuye iki kigo giherereye i Kacyiru mu rwego rwo kureba uburyo u Rwanda rwita ku bahuye n’ihohoterwa rishingiye ku gitsina n’ihohoterwa rikorerwa abana.
Uru ruzinduko rwari rugamije gusangira ubunararibonye no kwigira ku buryo u Rwanda rukoresha mu guhuza inzego zitandukanye zitanga serivisi ku bahohotewe, hagamijwe kunoza imitangire ya serivisi n’ubufasha bahabwa.
Abagize iri tsinda kandi bari mu nama nyunguranabitekerezo y’imiryango yo mu karere, yibanda ku gutegura ingamba zo kunoza uburyo bwo guhangana n’ihohoterwa rishingiye ku gitsina, irishingiye ku gitsina n’irikorerwa abana, ndetse no gukomeza inzego zunganira abahuye na ryo.
Isange One Stop Centre ni ikigo gitanga serivisi zihuriweho ku bahuye n’ihohoterwa, hagamijwe kubafasha kubona ubufasha bukenewe no korohereza inzego zitandukanye kubitaho.
Uru ruzinduko rutegerejwemo kungura ubumenyi abafatanyabikorwa bo mu karere, binyuze mu kurebera ku bunararibonye bw’u Rwanda mu guhuza serivisi no gushimangira uburyo bwo kurinda no gufasha abahuye n’ihohoterwa.
@Rebero.rw
About The Author
