Minisitiri w’Ibidukikije, Dr Arakwiye Bernadette yifatanyije n’abaturage bo mu karere ka Gisagara mu gikorwa cy’umuganda hanabereyemo igikorwa cyo gusoza umushing wa Green Amayaga ikiciro cya mbere hanahita hatangirizwa ikiciro cya kabiri cyueo mushinga.
Mu muganda rusange usoza ukwezi kwa Gicurasi wabereye mu Karere ka Gisagara kuri uyu wa Gatandatu, hatangijwe Icyumweru cy’Ibidukikije mu Rwanda kizakorwamo ibikorwa byo guhangana n’ingaruka z’imihindagurikire y’ibihe hagamijwe iterambere rirambye.
Minisitiri w’Ibidukikije,Dr. Arakwiye Bernadette ari kumwe n’Umuyobozi Mukuru w’Ikigo cyo Kubungabunga Ibidukikije REMA Juliet Kabera kuri uyu wa Gatandatu, bifatanyije n’ubuyobozi n’abaturage b’Akarere ka Gisagara, mu muganda rusange ngarukakwezi wo guca imirwanyasuri ku musozi wa Rwatano mu Murenge wa Gikonko wari waribasiwe n’amapfa.
Ni muri gahunda yo gutangiza icyumweru cyahariwe kubungabunga ibidukikije, kizakorwamo ibikorwa by’ubukangurambaga buhamagarira buri wese kugira uruhare mu bikorwa byo guhangana n’ingaruka z’imihindagurikire y’ibihe hagamijwe iterambere rirambye.
Mu gikorwa cyo gutangiza icyumweru cy’Ibidukikije mu Rwanda hazanaberamo umuhango wo gusoza ku mugaragaro umushinga wo gutera amashyamba no gusubiranya urusobe rw’Ibinyabuzima mu gice cy’Amayaga (FLR Mayaga) ndetse hanatangizwe ku mugaragaro undi mushinga uje kwagura ibikorwa byo kubaka ubudahangarwa ku mihindagurikire y’ibihe binyuze muri gahunda ngari ya Green Amayaga.
Umushinga wa Green Amayaga ukaba warafashije abaturage barenga ibihumbi 400 mu turere twa Kamonyi,Ruhango,Nyanza na Gisagara bakaba barikuye mubukene bitewe n’imishinga itandukanye bagiye bagezwaho na Green Amayaga.
Aba baturage bose bafashijwe na Green Amayaga mu kiciro cyambere hakaba harakoreshejwe amafranga agera kuri miriyoni 32 mu mafarang ya amadorari y’Amerika hakaba harimo amafrnga yavuye muri Leta y’U Rwanda ayandi akaba yaravuye mu baterankunga batandukanye.
Biteganyijwe ko ikiciro cya kabiri cya Green Amayaga kizatwara amafaranga agera kuri miriyoni 20 z’amadorari ya Amerika mugihe umushinga wakoreraga mu turere 4 kuri ubu hakaba haziyongeramo uturere 2 aritwo Huye na Muhaga.
@REBERO.RW
About The Author
