Bimwe mu binyamakuru muri Amerika biheruka gutangaza amakuru bikesha ubutasi bivuga ko Ubushinwa bwaba buha intwaro Iran
Minisiteri y’Ububanyi n’Amahanga y’Ubushinwa yatangaje ko amakuru avuga ko igihugu cyohereje cyangwa giteganya kohereza intwaro muri Iran ari “ibirego bidafite ishingiro.”
Mu minsi ishize, ibitangazamakuru byo muri Amerika byasohoye inkuru kuri iki kibazo, bishingiye ku makuru yatanzwe n’inzego z’ubutasi.
Guo Jiaqin, umuvugizi wa Minisiteri y’Ububanyi n’Amahanga y’Ubushinwa, mu kiganiro n’abanyamakuru yavuze ko Ubushinwa buri gihe bwagiye “bwitondera” kohereza intwaro mu mahanga.
Yongeyeho ko Ubushinwa bwagiye buvuga kenshi ko budacuruza intwaro ku bihugu biri mu ntambara.
Minisiteri y’Ububanyi n’Amahanga y’Ubushinwa yanahamagariye impande zose guhagarika imirwano, inagaragaza icyizere ko agahenge k’intambara kari hagati ya Iran n’ Amerika kazahinduka “ak’igihe kirekire.”
@REBERO.RW
About The Author
