Nyamasheke : Urugaga rw’abikorera rwatoye komite y’indashyikirwa

Komite y’indashyikirwa igizwe n’abikorera 7 ni yo yatowe n’abagize urugaga rw’abikorera ( PSF) mu Karere ka Nyamasheke,basabwa uruhare rufatika mu iterambere ry’ako no gufasha mu guhangana n’inzoga z’ibyuma Nyamasheke,basabwa uruhare rufatika mu iterambere ry’ako no gufasha mu guhangana n’inzoga z’ibyuma.

Komite yatowe iyobowe na Musabyimana Anastase wungirijwe na Uwitonze Solange, Umunyamabanga aba Muhayimana Déo.

Hanatowe abajyanama 4 ari bo Nzamwita Alphonse, Rumenerangabo Céléstin, Nyiransabimana Aloysie na Hategekimana Emmanuel.

Intumwa y’Umuyobozi mukuru w’urugaga rw’abikorera mu Rwanda, Mutagoma Félix yashimiye abikorera mu karere ka Nyamasheke bitoreye komite y’ indashyikirwa basanzwe banafite igikombe cy’ubudashyikirwa ku rwego rw’igihugu muri uru rugaga mu itangwa ry’imisanzu n’indi mihigo, uyu muhigo n’ubuyobozi bw’Akarere ka Nyamasheke bukaba bwarawuherewe igikombe mu rwego rwo korohereza abikorera kwesa imihigo.

Komite y’indashyikirwa yatowe yijeje uruhare rwayo mu kwihutisha iterambere ry’Akarere ka Nyamasheke.

Ati” Ndashimira by’umwihariko PSF ya Nyamasheke igikombe yatwaye cyo kuba aba mbere ku rwego rw’igihugu mu gutanga imisanzu neza mu rwego rw’abikorera, n’Akarere ka Nyamasheke kabona igikombe ubuyobozi bwa PSF ku rwego rw’igihugu rwakageneye.”

Yabibukije ko uruhare rwabo mu iterambere ry’igihugu ari ntagereranywa, bituma babonwa na PSF ku rwego rw’igihugu nk’abafatanyabikorwa b’ingenzi.

Yashimiye komite yatowe ayizeza ubufatanye mu ishyirwa mu bikorwa ry’inshingano zayo.

Abikorera muri aka Karere bagaragaje ko iyi komite ije ari igisubizo ku kwihutisha iterambere ryako.

Hatungimana Léonard ati” Turayishimiye, ije yari ikenewe cyane. Ni amaboko mashya tubonye azadufasha kugera ku iterambere twifuza mu karere kacu.”

Yunzemo ati” Twifuza kugera ku iterambere nk’iryo tubona mu mujyi ya Rusizi na Rubavu. Ni yo mpamvu abacuruzi, turangajwe imbere n’iyi komite yatowe yunganira isanzwe ya PSF tugomba guhuza imbaraga kugira ngo dushobore kugera aho twifuza.”

Umuyobozi wa PSF mu Karere ka Nyamasheke, Uzamukunda Isabelle yemeza ko iyi komite ije ari igisubizo ku bikorera b’aka karere

Umuyobozi wa PSF mu Karere ka Nyamasheke, Uzamukunda Isabelle na we asanga iyi komite ije ari igisubizo.

Ati” Ni urwego rwari rukenewe cyane, rwiza, rugiye kudufasha mu bukangurambaga mu bikorwa by’ingenzi twimirije imbere.”

Uwitonze Solange, wungirije wa komite yatowe yijeje uruhare rwayo mu kuzuza inshingano zayo.

Ati” Mu bufatanye tuzagera aho twifuza nta kizatunanira. Ubushake turabufite ubushobozi si bwo twabura.”

Guverineri w’intara y’uburengerazuba, Ntibitura Jean Bosco na we yagaragaje uruhare ntagereranywa rw’abikorera mu iterambere ry’igihugu n’imibereho myiza y’abaturage, bakesha agaciro bahawe na Perezida Kagame.

Guverineri w’intara y’uburengerazuba, Ntibitura Jean Bosco avuga ko iterambere ry’igihugu rirushaho kwihuta iyo abikorera bacyo banoza imikorere

Ati” By’umwihariko muri iyi ntara y’uburengerazuba ndabashimira ibikorwa bigaragarira buri wese bakora.”

Yagaragaje icyizere afitiye komite yatowe,aboneraho gusaba abikorera bose kuba indashyikirwa zibigaragariza mu bikorwa.

Yanaboneyeho gusaba abikorera bose muri iyi ntara gukomeza imbaraga bashyize mu guhanga n’ibinyobwa byangiza ubuzima bw’ababinyoye, bagacuruza ibicuruzwa bizima bigirira akamaro abaturage aho kubangiza.

Akarere ka Nyamasheke kabarizwamo abikorera babaruwe 5253. Ni aka 3 gatoye komite y’indashyikirwa mu ntara y’uburengerazuba n’igihugu muri rusange, nyuma ya Rubavu na Rusizi, bikazanakomereza mu tundi turere dusigaye tuyigize.

Umuyobozi wa PSF mu ntara y’uburengerazuba, Mabete Niyonsaba Dieudonné na we yagaragaje icyizere gisesuye afitiye komite yatowe, kimwe n’izatowe muri Rubavu na Rusizi, azisaba kwihutisha iterambere ry’uturere twabo.

Umuyobozi wa PSF mu ntara y’uburengerazuba, Mabete Niyonsaba Dieudonné.

Yashimangiye uruhare rw’abikorera muri iyi ntara mu kurwanya ibinyobwa bitujuje ubuziranenge, cyane cyane ko umubare munini w’uturere tuyigize dukora ku mipaka n’ibindi bihugu bishobora kuba inzira yo kubigarura baramutse barangaye.

Intumwa ya PSF ku rwego rw’igihugu, Mutagoma Félix yijeje iyi komite kuyishyigikira mu nshingano zayo.

Umuyobozi wungirije wa komite yatowe, Uwitonze Solange avuga ko izanye ikibatsi mu kwihutisha iterambere ry’aka Karere

Umwe mu bikorera mu karere ka Nyamasheke, Hatungimana Léonard (wa 2 uturutse ibumoso) agaragaza icyizere afitiye iyi komite mu iterambere ryihuse ry’aka Karere.

Umuyobozi wa komite y’indashyikirwa mu Karere ka Rusizi yerekana yerekana akamaro gakomeye k’izi komite iyo zifashijwe kuzuza neza inshingano zazo.

@Rebero.rw

About The Author