Ikipe y’igihugu y’u Rwanda y’abatarengeje imyaka 18 (U18) yatsinzwe umukino wa kabiri wa AfroBasket U18, itsinzwe na Cameroon amanota 76-58.
Uyu mukino wabaye nyuma y’uko u Rwanda rwatangiye iri rushanwa rutsindwa na Senegal mu mukino wa mbere. Ibi bivuze ko u Rwanda rumaze gutsindwa imikino ibiri ibanza, rukaba rutarabona intsinzi.
U Rwanda rwatangiye umukino na Cameroon rushaka gusubira mu murongo w’intsinzi, ariko Cameroon yarushijeho kurugora, irwihagararaho kugeza irangije umukino iri imbere n’amanota 18.
Ku rundi ruhande, u Rwanda rurahita rukina umukino wa gatatu kuri uyu wa Mbere, aho ruzahura na Tunisia. Iyi kipe na yo ntabwo irabona intsinzi muri iyi mikino, bityo uyu mukino ukaba ari ingenzi ku mpande zombi mu gushaka intsinzi ya mbere.
Nyuma yo gutsindwa na Senegal ndetse na Cameroon, u Rwanda rukeneye kwitwara neza imbere ya Tunisia kugira ngo rwongere amahirwe yo gukomeza neza muri iri rushanwa.
Umukino w’u Rwanda na Tunisia uraba ari amashiraniro y’amakipe yombi ashaka intsinzi ya mbere muri AfroBasket U18.
@Rebero.rw
About The Author
