Mu masengesho ahuza urubyiruko ruri mu nzego zitandukanye z’ubuyobozi azwi nka ‘Young Leaders Prayer Breakfast’, hagaragajwe ibibazo bimwe na bimwe byugarije imiryango nyarwanda n’ingaruka bigira ku bana.
Mme Monique Mukamana, Umuyobozi wa gahunda yo kurinda no kurengera umwana muri NCDA, yavuze ko ibibazo bibera mu miryango bishobora kugira ingaruka zikomeye ku mibereho n’iterambere ry’abana.
Yagaragaje ko hakenewe ubufatanye bw’inzego zitandukanye ndetse n’urubyiruko ruri mu buyobozi, mu gukumira ibibazo bibangamira umuryango no gushyiraho uburyo bukwiye bwo kurinda no kurengera abana.
Ibi yabigarutseho mu gihe Young Leaders Prayer Breakfast yari igamije guhuriza hamwe urubyiruko ruri mu buyobozi, rugasengera igihugu ndetse ruganira ku nshingano zarwo mu guteza imbere imibereho myiza y’abaturage.
@Rebero.rw
About The Author
