Mu tugari twose tugize Akarere ka Gisagara habereye inteko z’abaturage, zigamije guhuriza hamwe abaturage n’inzego z’ubuyobozi kugira ngo baganire ku bibazo bibareba ndetse n’imibereho y’abaturage.
Ku rwego rw’Akarere mu cyumweru gishize, iyi nteko yabereye mu Kagari ka Rusagara, Umurenge wa Kigembe, yitabirwa n’Umuyobozi w’Akarere ka Gisagara, Jérôme Rutaburingoga, hamwe n’Umuyobozi wa Polisi mu Karere ka Gisagara.
Izi nteko z’abaturage zibera mu tugari zitanga umwanya wo kuganira hagati y’abaturage n’inzego zibayobora, hagamijwe kumenya ibibazo bihari, kubishakira ibisubizo no gukomeza ubufatanye mu bikorwa by’iterambere n’imibereho myiza.
Kuba iyi gahunda yarabereye mu tugari twose twa Gisagara byahaye abaturage umwanya wo kugira uruhare mu biganiro bibareba, mu gihe abayobozi n’inzego z’umutekano babona amahirwe yo kwegera abaturage no kumva ibibazo bahura na byo.
Mu Kagari ka Rusagara, abayobozi b’Akarere n’inzego z’umutekano bifatanyije n’abaturage muri iyi gahunda, mu rwego rwo gukomeza ubufatanye no gushimangira uruhare rw’umuturage mu iterambere n’umutekano by’aho atuye.
@Rebero.rw
About The Author
