Abagize Komite Nyobozi y’Ishyirahamwe ry’Umupira w’Amaguru mu Rwanda (FERWAFA) basuye Ikipe y’Igihugu Amavubi mu mwiherero, babaha ubutumwa bwo kubashyigikira no kubatera imbaraga mbere yo gutangira imikino yo gushaka itike y’Igikombe cya Afurika cya 2027.
Uru ruzinduko rwabaye mu gihe Amavubi yitegura umukino wa mbere wo mu gushaka itike ya AFCON 2027, aho azakina na Liberia kuri uyu wa Gatanu, tariki ya 25 Nzeri 2026, kuri Stade Amahoro.
Abagize Komite Nyobozi ya FERWAFA bashimangiye ko abakinnyi n’abatoza b’Amavubi badakwiye kumva ko bari bonyine mu rugendo rwo gushaka itike y’iri rushanwa, ahubwo ko bafite inkunga y’Abanyarwanda muri rusange.
Ubutumwa nyamukuru bwagejejwe ku Amavubi bugira buti: “Ntimuri mwenyine. U Rwanda rwose ruri inyuma yanyu.”
Umukino u Rwanda ruzakiramo Liberia uteganyijwe kuri Stade Amahoro ku wa Gatanu, tariki ya 25 Nzeri 2026, saa kumi n’ebyiri z’umugoroba.
Uyu mukino uzaba ari intangiriro y’urugendo rw’Amavubi mu gushaka itike y’Igikombe cya Afurika cya 2027, aho ikipe y’u Rwanda izaba ishaka gutangira neza uru rugendo imbere y’abafana bayo.
@Rebero.rw
About The Author
