Abakinnyi ba Wisdom Shool Musanze n'imidali begukanye
Ku nshuro ya mbere umukino wa Kung fu Wushu watangije mu bigo by’amashuri ukaba ari uwo kumenyereza no gukundi abana uyu mukino bihereye mu mashuri, ni kuri iki cyumweru byatangiriye mu kigo cy’amashuri cya Wisdom Musanze.
Imbarutso ya Kung fu Wushu mu mashuri ikaba yatangiriye mu bigo 5 aribyo GS Bunyaga yo mukarere ka Rwamagana, Wisdom Shool ya Musanze ari nayo yakiriye irushanwa ku nshuro ya mbere, Ecole Francophone ya Kayove muri Rubavu, GS Catholic Kagugu ndetse n’ishuri ry’Intwali Primary School ryo mu karere ka Nyarugenge.
Aba bana berekanye ko ubutaha bashobora kuzegukana imidali myinshi ndetse n’igikombe bakaba bacyamura Intwali Primary School
Imikino yabanjirijwe n’imyiyereko y’abana bo mu kigo cy’amashuri cya Wisdom berekana ko umukino batangiye kuwumva kandi bakiri mu mashuri abanza ku buryo bazajya kujya mu mashuri y’isumbuye ari abahanga muri uwo mukino.
Ijambo rifungura ryatanzwe n’umuyobozi wa Federation Bwana Ishimwe Valens wakanguriye ababyeyi kureka abana bakitoza uwo mukino kuko iyo yabashije kuwufata neza gufata imibare cyangwa andi masomo yose ntabwo bimugora kuyafata kuko aba abyumva neza.
Agira ati: “Babyeyi uyu mukino ku mwana ni mwiza kuko utuma agira ikinyabupfura kuri bagenzi be kandi ukamufasha gukurikira amasomo yiga, kuko uko umwana afata Tawulu iyo uri mu masomo ubimira bunguri ntakigusoba mubyo wiga, bikaba ari ubuzima buzira umuze”.
Ku rushanwa ku ibyo bigo bitanu usibye imidali byahawe bitewe nuko abana bakinnywe abagize imidali mwinshi begukanye igikombe, ku nshuro ya mbere kibaba cyaregukannywe n’ikigo cya mashuri cya Intwali Primary School yo muri Nyarugenge.
Umutoza akaba n’umwarimu w’abana Hakizimana Shafy iki gikombe twegukanye kiradushimishije nk’Intwali primary School kuko twari tugikeneye turi ibigo bitanu ariko tukaba tucyegukanye ku nshuro ya mbere gikiniwe, ibi byaturutse ku muhati w’abana kuko bakinnywe ibyo bumvise kandi bashakaga.
Agira ati: “Abana hamwe nanjye habayemo gukora cyane kandi ntabwo dusoreje aha ahubwo tugiye kurushaho gukora kugira ngo n’ikindi gihe nabwo tuzongere twitware neza, tuzi ko ishyirahamwe ritegura amarushanwa atandukanye niyo mpamvu tugiye kurushaho gushyiramo imbaraga mubyo twitegura, mbese iyi ni motivation tubonye”.
Ababyeyi bakurikiranye imbarutso Kung fu Wushu bashimye uburyo abana bakinnywe ariko banasaba ko abatoza babo bagomba kurushaho kubigisha kuko hari abana bageraga imbere y’abatanga amanota ukabona ko ibyo bigishijwe babyibagiwe, ibyo byasabaga ko bagomba guhozaho nkuko biga mu mashuri
Abana bo mu kigo cy’amashuri Intwali Primary School nabo bishimiye igikombe cya mbere cy’imbarutso ndetse bumva ko kigiye kubaha imbaraga zo kwitegura andi marushanwa, Ibi bakabikesha umutoza wabo ndetse n’ubuyobozi bw’ishuri bubah umwanya wo kwitoza ndetse no gushyira mu bikorwa ibyo umutoza abigisha
Umuyobozi wa Federation ya Kung fu Wushu hamwe n’abatumye irushanwa rigenda neza kuko aribo batangaga amanota
Uyu mukinnyi bamwitege mu myaka iri imbere nakomeza kubona umwarimu mwiza azavamo umukinyi uhesha igihugu imidali
@Rebero.rw
About The Author
