U Rwanda n’u Bubiligi byemeranyije kongera kunoza no gusubukura umubano wabyo nyuma y’igihe hari ibibazo byari byawugizeho ingaruka.
Ibi byemejwe mu itangazo ryashyizweho umukono na Minisitiri w’Ububanyi n’Amahanga n’Ubutwererane w’u Rwanda, Olivier Nduhungirehe, na Minisitiri w’Ububanyi n’Amahanga w’u Bubiligi, Maxime Prévot.
Muri iryo tangazo, ibihugu byombi byagaragaje ubushake bwo kongera kubaka umubano no guteza imbere ubufatanye hagati yabyo, harimo no gufata ingamba zo kongera ibikorwa bya dipolomasi.
Kimwe mu byemezo by’ingenzi byafashwe ni kongera gufungura ambasade z’ibihugu byombi, nyuma y’igihe ibikorwa byazo bya dipolomasi bitari bisanzwe bikorera mu buryo busanzwe.
U Rwanda n’u Bubiligi bifitanye umubano umaze imyaka myinshi, unagaragarira mu bufatanye mu nzego zitandukanye zirimo uburezi, ubuzima, ubukungu n’iterambere.
Isubukurwa ry’umubano risobanuye ko ibihugu byombi bigiye kongera gukorana binyuze mu nzira za dipolomasi, mu rwego rwo gukomeza ibiganiro no gushakira hamwe ibisubizo ku bibazo bihuriweho.
Itangazo ryashyizweho umukono n’abaminisitiri bombi rigaragaza ko u Rwanda n’u Bubiligi byiyemeje gukomeza gukoresha ibiganiro n’ubufatanye mu guteza imbere umubano wabyo.
@Rebero.rw
About The Author
