Abakinnyi bashya ba Rayon Sports, myugariro Mohamed Ouattara na Mokono Eldinho Elie, batangiye igikorwa cyo gusuzumwa n’abaganga (medical test) mbere yo gutangira imyitozo n’ikipe.
Aba bakinnyi bazindukiye muri medical test mu rwego rwo kureba uko ubuzima bwabo n’imyiteguro yabo bihagaze, mbere y’uko batangira gukorana n’abandi bakinnyi ba Rayon Sports.
Ikipe ya Rayon Sports na yo yakomeje imyitozo kuri uyu wa 20 Kanama 2026, nyuma y’umunsi umwe ikinnye umukino wa gicuti na Al Ahli Wad Madani yo muri Sudan.
Muri uwo mukino, Rayon Sports yegukanye intsinzi ya 2-1, mu mukino wari mu rwego rwo gukomeza kwitegura amarushanwa y’umwaka w’imikino utaha.
Mohamed Ouattara na Mokono Eldinho Elie bashobora kongera imbaraga mu ikipe ya Rayon Sports, cyane cyane mu gihe iyi kipe ikomeje kubaka ikipe izahangana mu marushanwa atandukanye.
Nyuma yo gukora medical test no kubona uburenganzira bwo gutangira imyitozo, aba bakinnyi bashya bazatangira gukorana n’abandi bakinnyi mu myiteguro ya Rayon Sports.
@Rebero.rw
About The Author
