Umunyamabanga Mukuru w’Ishyirahamwe ry’Umupira w’Amaguru mu Rwanda (FERWAFA), Bonnie Mugabe, yatangaje ko kugeza ubu nta busabe bwa APR FC bwari bwakirwa n’ishyirahamwe busaba ko itakina imikino ibiri ya Super Cup iteganyijwe.
Ibi bibaye nyuma y’uko umutoza wa APR FC, Taleb, atangaje ko iyi kipe yandikiye FERWAFA ibimenyesha ko itazitabira imikino ibiri ya Super Cup, ahubwo ikifuza gukina umukino umwe gusa.
Mu kiganiro n’itangazamakuru, Bonnie Mugabe yavuze ko FERWAFA nta nyandiko nk’iyo yari yabona.
Ati: “Nta busabe bwa APR FC twari twabona.”
APR FC yari iteganyijwe gukina imikino ibiri ya Super Cup, ariko umutoza Taleb yavuze ko iyi kipe yifuza ko iyi gahunda yahinduka, igakina umukino umwe aho gukina ibiri.
Ibi bituma hakomeza kwibazwa ku buryo FERWAFA izitwara ku busabe bwa APR FC, ndetse niba gahunda y’imikino ya Super Cup izahinduka cyangwa igakomeza uko yari iteganyijwe.
Kugeza ubu, FERWAFA ivuga ko itaragerwaho n’ubusabe bwanditse bwa APR FC, bityo ko nta cyemezo gishya yatangaza kuri iki kibazo.
@Rebero.rw
About The Author
