Umukinnyi w'Ikipe y'Igihugu y'u Rwanda yo koga, Echessah Axela Marita, yongeye kwandika amateka
Umukinnyi w’Ikipe y’Igihugu y’u Rwanda yo koga, Echessah Axela Marita, yongeye kwandika amateka nyuma yo guca agahigo k’igihugu mu irushanwa rya metero 50 Freestyle mu bagore, mu mikino ya Commonwealth iri kubera i Glasgow 2026.
Echessah yarangije irushanwa rye ku mwanya wa gatandatu, akoresheje amasegonda 30.31, avugurura agahigo k’igihugu yari asanganywe ka 31.81.
Nubwo atabashije kugera ku myanya itanga imidari, kwitwara kwe kwashimwe kuko yagabanyije igihe yakoreshejeho amasegonda arenga rimwe n’igice, agaragaza intambwe ikomeye mu rwego rwo kuzamura umukino wo koga mu Rwanda.
Iri hagarikwa ry’agahigo k’igihugu rikomeje kugaragaza iterambere ry’abakinnyi b’u Rwanda bitabiriye Mikino ya Commonwealth, nyuma y’uko abandi bakinnyi na bo bagaragaje imyitwarire ishimishije muri iri rushanwa.
Gahunda y’amarushanwa yo koga izasozwa kuri uyu wa Gatatu, aho ikipe y’u Rwanda izongera kugaruka muri pisine ihagarariwe n’umukinnyi uzahatana mu irushanwa rya metero 200 Freestyle mu bagabo.
Abakunzi ba siporo bafite amaso kuri iri siganwa rya nyuma, bizeye ko u Rwanda ruzakomeza kwitwara neza no gukomeza gushyiraho ibihe bishya by’amateka mu mukino wo koga.
@Rebero.rw
About The Author
