Ni byiza kwipimisha hakiri kare kugira ngo umenye uko uhagaze bityo nyuma y’ibisubizo byawe bitewe nuko wasanze uhagaze ugatangira imiti hakiri kare, ubu butumwa Urugaga Nyarwanda rw’abafite virusi itera Sida bukaba busaba buri munyarwanda kwipimisha ku bushake.
Bityo bizatuma mu gihe usanze waranduye uzirinda kwanduza abandi kandi mu gihe usanze utarandura virusi itera Sida bigatuma ufata ingamba zo kwirinda byakunanira kwifata ugakoresha agakingirizo.
Umunyamabanga Nshingwabikorwa wa RRP+ Dr Deo Mutambuka yashishikarije Abambasaderi b’Urubyiruko gukomeza kugira uruhare rugaragara mu gukangurira bagenzi babo, mu rwego rwo gukumira ubwandu bushya bwa virusi itera SIDA, gutuma amajwi yabo n’ubuyobozi bwabo ari ngombwa, mu gihe bateza imbere ubukangurambaga ku kwirinda virusi itera SIDA, mu gihe kizaza kitarangwamo virusi itera SIDA.
Abambasaderi bashya 14 b’urubyiruko na bo bahawe ibirango byo kwifatanya n’abandi mu guharanira inkingi nyamukuru zo kurwanya virusi itera SIDA, kugira ngo abaturage barusheho kugira uruhare mu bikorwa by’abaturage, cyane cyane urubyiruko rwabo.
Kwipimisha virusi itera Sida ni inshingano kandi ni amahitamo yawe ku buzima bwawe n’ubwa bandi, bityo kumenya uko uhagaze bigufasha gutangira imiti igabanya ubukana bwa virusi itera Sida ndetse no gukomeza ingamba z’ubwirinzi.
Umuntu wabashije kwipimisha virusi itera sida ni amahitamo aganisha ku buzima bwiza bwa hazaza hawe heza, kandi dukorere hamwe aho dutuye tuzamura ubwitabire aho dutuye mu kwipimisha virusi itera sida.
Kwipimisha ni ukwiyitaho nabo dukunda tubashishikariza kwipimisha virusi itera sida, reka twese hamwe dufatanye kurandura ikwirakwiza rya virusi itera sida ndetse n’ubwandu bushya mubo dukunda n’abatwegereye
@Rebero.rw
About The Author
