Aya makipe yombi yageze ku mukino wa nyuma wa Bal yarabikoreye nyuma yo gusezerera amakipe y'abarabu
Zack Lofton niwe wayoboye ikipe yatwaye igikombe cya BAL mu 2023 n’amanota 36, none ubu iviriyemo muri 1/2 cyiyo mikino, ariko Oumar Ballo, Teafale Lenard na Craig Randall bigaruriye ikipe ya RSSB Tigers, batsinze amanota 69 muri 106 ya RSSB.
Aya makipe yombi yageze ku mukino wa nyuma nyuma yo kwitwara neza mu mikino yabereye muri Afurika y’Epfo, agaragaza urwego rwo hejuru rw’imikinire no guhangana. Nubwo yagaragaje imbaraga kuva irushanwa ritangira, amateka n’ibyakozwe mbere ntibihagije kugira ngo hamenyekane uzegukana igikombe.
Umukino wa nyuma usaba gutegura neza, gukina nta makosa no gukoresha amahirwe yose aboneka, kuko ari wo uzagena ikipe izegukana igikombe cya BAL 2026 ku gutsinda.
Mu gihe abafana ba Basketball muri Afurika n’ahandi hose bahanze amaso umukino wa nyuma wa Basketball Africa League (BAL) 2026, utegerejwe guhuza RSSB Tigers BBC yo mu Rwanda na Petro de Luanda yo muri Angola, impande zombi zitegerejweho guhatana zikomeye mu rugamba rwo kwegukana igikombe.
Craig Randall uri mu bigaruriye ikipe ya RSSB Tigers ndetse anayitwara uko abishaka
RSSB Tigers BBC yageze ku mukino wa nyuma nyuma yo kwitwara neza mu mikino yabanje, ifashijwe n’ubufatanye bw’abakinnyi, ubwirinzi bukomeye ndetse n’ubushake bwo kwitwara neza imbere y’abafana bayo. Kugeza ku mukino wa nyuma ni amateka akomeye ku ikipe nyarwanda, ikaba izaba ishaka kwandika andi mateka yegukana igikombe ku nshuro ya mbere.
Ku rundi ruhande, Petro de Luanda ni imwe mu makipe afite ubunararibonye muri BAL. Yegukanye iri rushanwa mbere kandi ifite abakinnyi bamenyereye imikino ikomeye, ibintu biyigira umukeba ukomeye kuri RSSB Tigers BBC.
Al Ahil (Egypt) yatunguwe no gusezererwa na RSSB Tigers ku buryo batabyumva nabo
Abasesenguzi bateganya umukino ukomeye ushingiye ku buryo amakipe yombi akina. RSSB Tigers BBC ishobora kuzashingira ku nkunga y’abafana benshi bazaba bari muri BK Arena, mu gihe Petro de Luanda izagerageza gukoresha ubunararibonye n’ituze mu bihe bikomeye by’umukino.
Ikindi gishobora kugira uruhare ni uburyo amakipe yombi azitwara mu bwugarizi no mu gukoresha amahirwe yo gutsinda amanota. Mu mikino nk’iyi ya nyuma, amakosa make n’ibyemezo bifatirwa ku gihe bishobora kugira uruhare rukomeye mu kugena utsinda.
Muri rusange, abafana bategerejwe kureba umukino urimo ihangana rikomeye hagati y’ikipe ishaka gukora amateka mashya n’ikipe ishaka kongera kwerekana ubukaka bwayo ku rwego rwa Afurika. Ibyo byose bituma umukino wa nyuma wa BAL 2026 uba umwe mu mikino itegerejwe cyane muri uyu mwaka.
@Rebero.rw
About The Author
